Korrespondenti i Al Jazeera-së në Nju Jork njoftoi se Rusia shtyu ditën e premte në mbrëmje ftesën që kishte bërë për t`u mbajtur konsultime jo-formale në seancën e Këshillit të Sigurimit mbi një projekt-rezolutë të përgatitur nga përfaqësuesit e Këshillit të Bashkëpunimit të vendeve të Gjirit (GÇ) në Kombet e Bashkuara në lidhje me krizën në Jemen.
Korrespondenti i Al-Jazeera në Nju Jork, Raid Fekih tha se negociatat mes palës ruse dhe shteteve të Gjirit zgjatën për rreth një javë në mënyrë që të binin dakord mbi mosmarrëveshjet e vëna në dukje nga pala ruse, për t`u siguruar kështu që Moska nuk do ta përdorte të drejtën e vetos kur projekt-rezoluta të hidhet në votim. Po ashtu Fekih shtoi se ekziston një frikë që pala ruse është duke e shtyrë procesin me anë të kritikave dhe kërkimin e amendamenteve, çka i shtyu vendet e Gjirit që të vazhdojnë me procedurat e votimit, përkundër rezervave ruse.
Reporteri theksoi se hapi marrë nga vendet e Gjirit i shtyu rusët që të ftojnë përfaqësuesit e Shteteve të Gjirit për t`u takuar me delegatin rus, nga ku të dyja palët mbajtën një takim për rreth një orë dhe në fund ranë dakord që të zhvillojnë konsultime joformale në seancën e Këshillit të Sigurimit, gjithsesi delegati rus kërkoi sërish në fund që të shtyjë ftesën për takim.
Reporteri tha se në orët e ardhshme do të zbulohet fati projekt-rezolutës, ku delegatët e vendeve të Gjirit presin qëndrimin e kryeqyteteve të tyre në lidhje me propozimet ruse dhe tekstin përfundimtar të projektit i cili do të hidhet në votim.
Aljazeera disponon një kopje të projekt-rezolutës dhe ajo që bie më shumë në sy ndër klauzola, është vënia e emargos për armatosjen e Houthive dhe përfshirjen e liderit të grupit Abdul-Malik dhe Ahmed Saleh –djali i presidentit të rrëzuar Ali Abdullah Saleh- në listën e sanksioneve të posaçme për Jemenin.
Projekt-rezoluta po ashtu bën thirrje që “Shtetet Anëtare, dhe veçanërisht vendet fqinje të Jemenit, të kontrollojnë të gjitha ngarkesat me destinacion Jemenin,” nëse ka diçka dyshime për armatime tek ngarkesat.
Po ashtu projekt-rezoluta i bën thirrje Houthijëve që të ndalojnë luftimet dhe të tërhiqen nga zonat që kanë në kontroll, duke përfshirë kryeqytetin, Sana dhe të bien dakord për të zgjidhur mosmarrëveshjet përmes dialogut. Gjithashtu projekt-rezoluta shpreh mbështetjen për ndërmjetësin e OKB-së Jamal bin Omar.
Ajo bën thirrje gjithashtu që Houthitë të zbatojnë rezolutat e mëparshme të OKB-së, t’i japin fund përdorimit të dhunës dhe të tërheqin forcat e tyre nga të gjitha territoret e uzurpuara, përfshirë kryeqytetin Sana, në mënyrë të menjëherëshme dhe pa kushte.
Projekt-rezoluta i kërkon Sekretarit të Përgjithshëm të Kombeve të Bashkuara Ban Ki-moon që të përgatisë një raport brenda dhjetë ditësh në pajtim me afatin kohor për zbatimin e klauzolave të këtij vendimi.
Përpjekje rajonale
Në anën tjetër, Ministri i Jashtëm turk Mevlud Xhavish Davutoglu, tha të premten në lidhje me ngjarjen se vendi i tij është duke diskutuar me shtetet e Gjirit për të gjetur një zgjidhje mbi krizën. Ndërsa në një konferencë shtypi të thirrur nga ai me homologun e tij sudanez Ali Ahmed Karti në Ankara tha: “I bie si detyrë e madhe Turqisë, Iranit dhe Arabisë Saudite që të gjejnë një zgjidhje politike për Jemenin”.
“Pikëpamjet tona u përputhem me ato iraniane” në lidhje me bashkëpunimin për gjetjen e një zgjidhje, arritjen e një armëpushimi dhe për të dërguar ndihma. /tesheshi.com/
