Mbi 27 palestinezë, me më shumë se gjysmën e tyre fëmijë, kanë mbetur pa strehë pasi buldozerët izraelitë shembën pesë shtëpi në Bregun Perëndimor.
Siç njofton organizata joqeveritare B’Tselem, policia izraelite i ka nxjerrë me forcë banorët palestinezë që u përpoqën ta parandalojnë shkatërrimin e shtëpive të tyre, të ndërtuara më herët me financimin e Bashkimit Europian.
Shtëpitë me materiale parafabrikate u shkatërruan në fshatin Um el-Heir, për të lënë jashtë 16 fëmijë. Pas shkatërrimit tetë herë të shtëpive, banesat e parafabrikuara qenë ngritur me ndihmën e BE-së.
“Izraeli po i shkatërron pa ndërprerje shtëpitë dhe mjetet e jetesës të palestinezëve për t’u hapur rrugën më shumë ngulimeve ilegale,” deklaroi kryeministri palestinez, Rami Hamdallah.
Sipas Zyrës së Kombeve të Bashkuara për Koordinimin e Çështjeve Humanitare, forcat izraelite kanë shkatërruar në tre muajt e parë të këtij viti në Bregun Perëndimor 120 struktura banimi të financuara nga BE-ja.
Mbi 600.000 izraelitë jetojnë në ngulime të posaçme për ta në Bregun Perëndimor, edhe pse konsiderohen ilegale sipas ligjit ndërkombëtar. /tesheshi.com/
