Mijëra izraelitë demonstruan në disa qytete duke bërë thirrje për largimin e qeverisë, e cila përkoi me protestat e familjeve të pengjeve izraelitë në Gaza, të cilët u mblodhën jashtë rezidencës së kryeministrit Benjamin Netanyahu.
Gazeta Yedioth Ahronoth raporton se mijëra izraelitë protestuan në Haifa, në kryqëzimin Horev, duke kërkuar largimin e qeverisë dhe shpalljen e zgjedhjeve të parakohshme në Izrael.
Sipas të njëjtit burim, në qytetin Kfar Saba, afër Tel Avivit, qindra protestuan nën sloganin “Zgjedhjet tani”. Qindra njerëz demonstruan gjithashtu në dhe qytetin Ra’anana pranë Tel Avivit.
https://twitter.com/i/status/1751341354146320617
Netanyahu po përballet me një breshëri kritikash nga publiku izraelit dhe disa politikanë lidhur me krizën izraelite të pengjeve në Gaza dhe dështimin e tij për të gjetur ndonjë mënyrë për të siguruar kthimin e tyre të sigurt në Izrael.
Dhjetëra familje pengjesh në Gaza demonstruan gjithashtu jashtë shtëpisë së Netanyahut në qytetin e Cezaresë, duke kërkuar lirimin e tyre.
Yedioth Ahronoth raporton se për të dytën javë me radhë familjet e pengjeve në Gaza po protestojnë para shtëpisë së Netanyahut.
Sipas mediave izraelite, një pauzë e përkohshme kohë më parë çoi në lirimin e 105 civilëve, duke përfshirë 81 izraelitë, 23 shtetas tajlandez dhe një filipinas të mbajtur nga Hamasi.
Grupet e mbrojtjes së të burgosurve palestinezë thanë se si pjesë e pauzës së përkohshme, Izraeli liroi 240 të burgosur palestinezë, duke përfshirë 71 gra dhe 169 fëmijë.
Izraeli vlerëson se Hamasi ende mban rreth 136 pengje në Gaza.
Më 7 tetor, Izraeli nisi sulme brutale në Rripin e Gazës, në të cilat 26,257 palestinezë janë vrarë dhe 84,797 janë plagosur. /tesheshi.com/
