Izet Haxhia, ish truproja i Sali Berishës, do të ekstradohet nesër nga Turqia. Gjykata e Lartë turke, ka dërguar shkresën në polici dhe interpoli ka firmosur shkresën për riatdhesim.
Disa ditë më parë Izet Haxhia u vetëdorëzua në policinë turke, me qëllim që të niste procedura e ekstradimit të tij.
Lajmin e vetëdorëzimit ai e njoftoi përmes faqes në Facebook. Izet Haxhia u arrestua në vitin 2006 në Turqi, por drejtësia turke nuk ishte shprehur ende për ekstradimin. Pala shqiptare kishte bërë kerkesa të vazhdueshme në kohën kur në pushtet ishte Sali Berisha. Izet Haxhia është dënuar si pjesëmarrës në vrasjen e Azem Hajdarit me 18 vjet burg.
Sipas avokatit, Haxhia do të rigjykohet dhe dosja “Hajdari” do të rihapet. Ai gjithashtu shprehu bindjen se klienti i tij është i pafajshëm. Haxhia kërkon një proces të rregullt ligjor, ndryshe nga ai i disa viteve më parë. Haxhia është shprehur se ka njerëzu që duan ta vrasin për të mos dalë e vërteta. Dy janë njerëzit që Haxhia sulmon: ish-kryeministrin Sali Berisha dhe ish-kreun e SHISH-it, Fatos Klosi. /tesheshi.com/
