Kryeministri kanadez Justin Trudeau tha se provat tregojnë se një raketë iraniane rrëzoi një aeroplan pasagjerësh ukrainas dhe se ai “mund të ketë qenë pa qëllim”.
Trudeau tha se kjo vërtetohet nga të dhënat e shërbimeve inteligjente, por nuk pranoi të japë detaje, duke shtuar vetëm se një raketë tokë-ajër u shfaq për të goditur aeroplanin.
“Provat e inteligjencës tregojnë shumë qartë mbi shkakun e mundshëm të rrëzimit,” tha kryeministri kanadez në një konferencë shtypi.
Në rrëzimin fatal u vranë të gjithë prej 176 pasagjerëve dhe ekuipazhit.
Të paktën 63 kanadezë ishin në aeroplan.
Një zyrtar i lartë ukrainas i sigurisë tha më herët se ishte e mundur që aeroplani me pasagjerë që u rrëzua në Teheran orët kur Iran nisi të godiste bazat amerikane në Irak, u qëllua nga një raketë ruse.
Në të njëjtën kohë, mediat amerikane raportuan se aeroplani ukrainas u godit nga një raketë Tor-M1 e prodhuar nga Rusia.
Por Teherani zyrtar i hodhi poshtë këto pretendine duke i quajtur “thashetheme joligjore”. /tesheshi.com/
