Deputeti nga radhët e opozitës, Dashamir Shehi, është deklaruar pro nismës së kryeministrit për mbylljen e lojrave të fatit. Ai “ka dalë nga rreshti” dhe thotë se Rama do të “mbahet mend për diçka të mirë mes shumë zullumeve”, duke i qëndruar kritik politikave të qeverisë. Ndër të tjera, edhe Shehi shfaqet i molepsur nga përfoljet për një aferë monopoli pas mbylljes së kazinove dhe pikave të basteve.
“Nëse ka vendosur t’i mbyllë lojërat e fatit unë për vete jam dakord, por duhet të bëhet me transparence. Nuk duhet bërë që të mbyllen mijëra pika të vogla për t’i përqendruar në dy-tre duar. T’i mbyllë të gjitha që operojnë edhe ato online. Do mbahet mend që mes të gjitha zullumeve ka bërë edhe një gjë të mirë”, u shpreh deputeti Shehi.
Muaj më parë, ai pati një përplasje me shefin e qeverisë pasi kundërshtoi investimet turke në Shqipëri. /tesheshi.com/
