Ishte një ndër më të zellshmit e vendosjes së taksës doganore ndaj Serbisë, por tani është për heqjen e saj. Fjala është është zëvendëskryeministrin e Kosovës Enver Hoxhaj, krahun e djathtë të Haradinajt, që dhe si, ashtu siç Veseli, eprori i tij në LDK, apo dhe vetë presdenti Thaçi, druan se me vijimin e taksës po cenohen raportet me Amerikën dhe BE-në.
“Unë mendoj që taksa e ka mbërritur efektin e saj meqë taksa e ka goditur ekonominë e Serbisë, kur ne po flasim dëmi i ekonomisë serbe është mbi 150 milionë euro dhe nëse Serbia ka bërë përpjekje që ta përdor buxhetin e Kosovës për të tërhequr njohje, por të korruptuar qeveri të ndryshme në botë. Unë mendoj që me këtë ne ia kemi dhënë një përgjigje të plotë Serbinë”, tha Hoxhaj për Ekonomia Online, duke shtuar më tej se tashmë, gjykuar nga disa zhvillime që mund të kenë kosto për Kosovën, ajo duhet hequr.
“Por fakti që taksa po e lëndon raportet tona me Amerikën, po lëndon raportet tona me BE dhe po bllokon një proces siç është dialogu, i cili do të mund t’i shërbente Kosovës, është mirë që ta shohim se si të lëvizim përpara. Qëndrimi ynë është që taksa të pezullohet për një kohë për 120 ditë dhe kjo të jep mundësi arritjes së një marrëveshje finale. Nëse kjo nuk ndodh atëherë taksa do të duhej të rikthehet”, theksoi Hoxhaj. /tesheshi.com/
