Të paktën 14 njerëz u vranë dhe një fëmijë u plagos rëndë të dielën kur kabina e një teleferiku që lidh Liqenin Maggiore të Italisë me një majë alpine afër ra nga një lartësi prej 20 metrash, thanë ekipet e shpëtimit dhe autoritetet lokale.
Teleferiku që lidh qytetin e Stresit në Liqenin Maggiore me majën alpine aty pranë, transporton turistë dhe vendas në majën e malit Mottarone në pothuajse 1,500 metra mbi nivelin e detit.
“Ne jemi të shkatërruar, me dhimbje,” tha Marcella Severino, kryetare e Komunës së Stresit për RAI.
Aksidenti ndodhi ndërsa teleferiku po ngjitej në mal, dhe kabina ra nga një lartësi prej 20 metrash dhe u rrokullis derisa u ndalua nga një pemë, tha Severino.
Alpinistët dëgjuan një zhurmë të tmerrshme, shtoi ajo, duke vënë në dukje se shkaku i mundshëm i aksidentit ishte një kavo e prishur.
Fëmijë të dëmtuar
Shërbimet e shpëtimit njoftuan se dy fëmijë të plagosur rëndë u transferuan me helikopter në një spital në Torino. Spitali më vonë tha se më i madhi nga dy fëmijët kishte vdekur, ndërsa fëmija i vogël, i cili vlerësohet të jetë rreth 5 vjeç, ishte i vetëdijshëm para se t’i nënshtrohej një operacioni për dëmtime të shumta.
Severino i tha televizionit SKY se disa nga viktimat ishin në kabinë dhe të tjerët ishin shpërndarë në pyll. Patologët kanë filluar identifikimin e viktimave, duke përfshirë shtetas të huaj, tha Severino, pa dhënë detaje të tjera.
Luca Cari, një zëdhënës i departamentit të zjarrfikësve, tha se ishte ende e panjohur se sa njerëz ishin në kabinë. “Ekipet tona janë ende duke tërhequr trupa,” tha Cari.
Teleferiku Stresa-Mottarone është rihapur vetëm kohët e fundit për vendasit dhe turistët.
Maja e Mottarone është shumë e popullarizuar në mesin e turistëve për shkak të pamjes së bukur panoramike të Liqenit Maggiore dhe ishujve të saj piktoresk dhe për shkak të pamjes së Alpeve.
Teleferiku u hap për herë të parë në gusht 1970 pas tre vitesh punë. Udhëtimi në krye zgjat 20 minuta.
Sistemi kavo i dyfishtë është i ndarë në dy pjesë. E para ndodhet pak më shumë se dy kilometra midis Stresit dhe fshatit Alpina, dhe e dyta është tre kilometra midis Alpinës dhe Mottarone.
Përbëhet nga dy kabina që ecin në drejtime alternative dhe secila kabinë mund të strehojë deri në 40 pasagjerë. Severino tha se puna e rregullt e mirëmbajtjes në teleferik është kryer në vitet e fundit. /tesheshi.com/
