Në verifikimin e parë të koalicionit qeveritar ndërmjet Lega-s dhe Lëvizjes 5 Yje rezultati nuk ka qenë fare homogjen.
Në zgjedhjet lokale në mbi 1000 bashki në Itali, kryeson qendra e djathtë, kryesisht në veri, pasi 5 Yjet është frenuar dhe ka pësuar rezultatin e parë negativ.
Në shumicën e bashkive situata shkon në balotazh dhe pritet që javën e ardhshme të ndahet rezultati. Në balotash kudo ndodhet ose e majta me qendrën e djathtë në krye, ose e majta me 5 Yjet.
Ka një fakt të çuditshëm se qendra e djathtë, pra Lega dhe Berluskoni kanë dalë së bashku, ndërkohë që në qeverisje janë tashmë të ndarë.
Në Romë ku Lëvizja 5 Yje kontrollon bashkinë, të gjithë kandidatët e kësaj force janë jashtë balotazheve pas një pakënaqësie prej kryebashkiakes Veronica Ragi.
Po ashtu edhe në Siçili e majta ka marrë bashkinë e Trapanit, një qytet të rëndësishëm politik. Në Catania fiton Forza Italia, kurse në Napoli, zona ku 5 Yjet kanë bastionin e tyre, ka pasur një ndëshkim për këtë forcë politike.
Ndërkaq, në veri të Italisë Lega ka marrë rezultat të mirë, kryesisht në zonat ku ajo është e fortë. /tesheshi.com/
