Karabinierët italianë sekuestruan nga rezidenca e ministrit italian të kulturës Vittorio Sgarbi pikturën “Arrestimi i Shën Pjetrit”, të shekullit XVII, e cila i atribuohet piktorit Rutilio Manetti.
Sipas shtypit italian, piktura është vjedhur njëmbëdhjetë vjet më parë nga kalaja e Buriasco-s, jashtë Torinos dhe më pas është gjetur në një ekspozitë në Lucca të Toskanës, në vitin 2021, ku nuk përmendej emri i piktorit që e krijoi, por vetëm se ishte një vepër arti që i përkiste nënsekretarit italian.
Perquisite le case di Vittorio Sgarbi e sequestrato il quadro del Seicento attribuito a Manetti. Il sottosegretario è indagato per riciclaggio di beni culturali pic.twitter.com/HoQNAhqbOe
— Tg3 (@Tg3web) January 12, 2024
Sgarbi shprehet se piktura e vjedhur 11 vite më parë ishte në fakt një kopje dhe se vepra origjinale ka qenë gjithmonë pronë e tij. Zëvendësministri i Kulturës këmbëngul se nuk mban përgjegjësi për asnjë veprim të kundërligjshëm dhe ditët e kaluara ka përjashtuar çdo mundësi për dorëheqjen e tij. Sekuestrimi u krye me urdhër të prokurorisë në qytetin Macerata, në Italinë qendrore.
Vittorio Sgarbi është një ndër figurat më ikonike të kulturës italiane, si kritik i shquar i saj, si dhe një figurë publike me shumë impakt. Ai ishte mik i ngushtë i ish-kryeministrit dhe manjatit italian Silvio Berlusconi, siç është dhe mik i ngushtë me kryeministrin Rama, me të cilin e bashkon afërsia në tipologji si dhe arti figurativ. /tesheshi.com/
