Qeveria italiane ndërhyn me 5.2 miliard euro për të shpëtuar dy nga bankat më të njohura në Itali.
Kjo lëvizje vjen dy ditë pasi Banka Qëndrore Europiane paralajmëroi se “Banca Popolare di Vicenza” dhe “Veneto Banca” ishin në prag të falimentimit.
Asetet e “mira” të këtyre dy bankave veneciane do të merren përsipër nga grupi bankar Intesa San Paolo.
Kryeministri Paolo Xhentiloni tha se kjo ndërhyrje ishte e nevojëshme për të shpëtuar depozituesit dhe për të garantuar “mirëqënien e sistemit bankar”.
Në përpjekje për të frenuar tërheqjen e shpejtë të depozitave që mund të përhapet në banka të tjera italiane, degët dhe punonjësit e këtyre dy bankave do të bëhen menjëherë pjesë e Intesa San Paolos.
Ministri i Ekonomisë, Pier Karlo Padovan-i tha se qeveria mund të ofrojë një garanci prej rreth 12 miliard eurosh për humbjet që Intesa mund të ketë nga kreditë e këqija.
Sipas komisioneres se KE për konkurrencën, Margrethe Vestager, kjo ndërhyrje e Italisë bëhet “për të shmangur tranzirat ekonomike në rajonin e Venetos, duke shtuar se kjo masë do t’i heqë sektorit bankar italian një barrë prej 18 miliard eurosh kredi të këqija dhe do të kontribuojë në konsolidimin e tij.
Intesa San Paolo që është banka më e madhe e konsumatorëve në Itali, ka paguar një shumë simbolike prej një euro për asetet e mira të dy bankave veneciane.
Sipas analistëve, pa këtë ofertë të San Paolos – që ishte e vetmja ofertë serioze në ankandin e bërë nga qeveria – kriza e këtyre dy bankave do të kishte një impakt serioz në të gjithë sistemin bankar italian.
Ndërkohë parashikohen se kolapsi i këtyre dy bankave mund të çojë në humbjen e rreth 4000 mijë vendesh pune. /tesheshi.com/
