Qyteti islandez i peshkimit Grindavik në gadishullin Reykjanes do të evakuohet sërish për shkak të aktivitetit të ri vullkanik në zonë, thanë autoritetet lokale të shtunën.
Të 4,000 banorët pritet të largohen nga Grindavik deri të hënën mbrëma, pas së cilës do t’u ndalohet kthimi në qytet për tre javët e ardhshme, tha policia.
Zona pranë vullkanit aktiv konsiderohet ende e rrezikshme pas tërmetit të nëntorit, me një rrezik të shtuar të shpërthimeve vullkanike, sipas një vlerësimi të rrezikut nga ekspertët e mbrojtjes civile.
Pak para Krishtlindjeve, shpërthimi i katërt në tre vjet ndodhi pranë Grindavik, që ndodhet në jugperëndim të kryeqytetit Reykjavik. Qyteti ishte evakuuar tashmë për shkak të një serie tërmetesh në javët e mëparshme që shkaktuan dëme të mëdha, duke përfshirë çarje të thella në rrugë.
BREAKING: A volcano in Iceland erupted after hundreds of earthquakes shook the Reykjanes peninsula, prompting evacuations in a town near where a fissure opened up and spewed lava last month#Iceland #volcano #icelandvolcano #ERUPTION #Reykjanes pic.twitter.com/E0I1U6c5Ho
— 50 States of Lie (@50StatesOfLie) January 14, 2024
Disa ditë më parë, mediat islandeze raportuan se një punëtor kishte rënë në një nga ato të çara. Kërkimet për të janë pezulluar dhe punëtori nuk është gjetur. /tesheshi.com/
