Islanda ka vendosur të heqë vajin e palmës nga përmbajtja e çdo ushqimi të saj, për shkak të dëmit që u shkaktohet pyjeve dhe kafshëve.
Vaji përdoret në një numër të madh produktesh që gjenden nëpër supermarkete, duke nisur që nga buka e deri te sapunët.
Por, kërkesa e lartë për prodhimin e këtij vaji ka çuar në shkatërrimin e pyjeve tropikalë në Azinë Jug-lindore.
Sipërfaqe të mëdha pyjesh në Indonezi janë djegur për të mbjellë plantacione për prodhimin e vajit të palmës. Nga e gjithë kjo, i është shkaktuar një dëm i rëndë species së orangutangëve, të cilëve u është shkatërruar habitati.
Pikërisht për këtë arsye, Islanda ka vendosur ta heqë krejtësisht vajin e palmës nga artikujt ushqimorë të prodhuar prej saj.
Deri në fund të këtij viti, brenda territorit të këtij vendi do t’u ndryshohet formula e përbërjes rreth 130 produkteve ushqimore. /tesheshi.com/
