Autoritetet greke në ishujt e Egjeut kanë aperluar për masa emergjente me qëllim pakësimin e fluksit në rritje të refugjatëve nga Turqia, fluks që Athina e sheh si ndikim të përpjekjes së dështuar për grusht shteti në Turqi.
Që prej puçit të dështuar të 15 korrikut, numri i emigrantëve që i drejtohen kufiriti të gatshëm të ndërmarrin udhëtimin e rrezikshëm përmes detit Egje është rritur në mënyrë të dukshme, e kjo ka bërë që qeveria greke të njoftojë se duhen masa urgjente. Sipas Athinës, vetëm në një ditë në Lesbos dhe ishujt e tjerë të rajonit janë regjistruar mbi 9 mijë burra, gra dhe fëmijë.
Ndërsa eksodi i përvitshëm në Mesdhe tashmë ka nisur, guvernatorja rajonal në veri të Egjeut, Christiana Kalogirou, dha alarmin duke kërkuar marrjen e masave të menjëhershme për të mbajtur nën kontroll fluksin constant dhe dukshëm në rritje të refugjatëve. Në Lesbos një punonjës i ekipeve të shpëtimit tha se skenat në ishull janë bërë të ngjashme me ato të ditëve përpara se Europa të nënshkruante marrëveshjen me Turqinë në mars për reduktimin e mbërritjeve masive të refugjatëve në ishujt grekë.
Duke nënvizuar ankthin e këtyre ditëve, presidenti i Bashkimit Europian, Jean-Claude Juncker tha pas dështimit të grushtit të shtetit në Turqi se trembej që marrëveshja ishte në pikën e moszbatimit të mëtejshëm. “Rreziku është i madh. Suksesi deri më tani i këtij pakti është i brishtë”, tha ai për të përditshmen austriake Kurier. “Presidenti Erdoğan ka lënë të kuptohet disa herë se dëshiron ta hedhë poshtë atë”.
Shqetësime të ngjashme kanë Athinë ku zyrtarët kanë artikuluar problemet e shfaqura kur pas grushtit të dështuar të shtetit, monitoruesit turq që mbikqyrnin marrëveshjen në Greqi u tërhoqën me shpejtësi dhe se nuk ka shenja për rikthimin e tyre.
Tensionet midis dy rivalëve të vjetër rajonalë janë nxitur edhe nga rasti i tetë oficerëve turq që kaluan kufirin në fazën e fundit kur u pa dështimi i puçit ushtarak. Ushtarët që mbërritën në Greqi me helicopter kanë marrë tre javë kohë nga një gjykatë për të përgatitur aplikimet e tyre për azil në një kohë që Ankaraja ka shtuar presionin për rikthimin e menjëhershëm të tyre në Turqi.
Në një shenj të tensionit që ka sjellë prania e tyre në Greqi, grupe anarkiste greke sulmuan rezidencën e ambasadorit turk Kerim Uras, duke njollosur post-bllokun dhe ndërtesën me bojë të zezë e të kuqe në ditën që ushtarët që kërkojnë azil dolën përpara gjykatës.
Uras kishte deklaruar se tetë anëtarët e personelit ushtarak që përcollën sinjalin e rrezikut dhe fluturuan në qytetin kufitar Alexandroupolis, nuk duhet të ishin strehuar në Greqi. Oficerët, dy kolonelë, katër kapitenë dhe dy serxhentë, janë të parët që kërkojnë strehim në vend në historinë moderne.
“Nuk ishte ide e mirë që të pranoheshin në radhë të parë”, tha Uras. “Ata duhet të ishin kthyer pas shumë shpejt. Tashmë ata janë duke shfrytëzuar procedurat e azilit”.
Qeveria e kryeministrit leftist Tsipras, duke u përballur me dilemën e një antagonizmi ndaj Turqisë në fazën delikate ku ndodhen bisedimet e paqes për Qipron, është përpjekur të mbajë një rrugë të mesme: duke u zotuar se burrave do t’u jepet një trajtim i drejtë sipas ligjit europian, por se Turqia ka argumente të forta për ekstradimin e tyre.
Shumë në fakt, do të varet nga fakti nëse Erdogan do të veprojë në përputhje me zotimin e tij për të rivendosur dënimin me vdekje në Turqi.
Përgatiti: Juli Prifti – /tesheshi.com/
