Ministri i Mbrojtjes, Niko Pelelshi shprehu sot ngushëllimet për ndarjen nga jeta të Gazmir Korbit, në aksidentin e ndodhur në Kroaci.
Peleshi theksoi se, Korbi ishte pjesë e kompanisë së mbështetjes në Komandën e Forcës Ajrore.
“I dhimbshëm lajmi i ndarjes nga jeta të Gazmir Korbit, në aksidentin e ndodhur në Kroaci. Ai nuk mundi të kthehej më mes kolegëve të tij në kompaninë e mbështetjes në Komandën e Forcës Ajrore pas lejes së zakonshme. Ngushëllime familjes për këtë humbje të madhe dhe të parakohshme!”, u shpreh Peleshi në një mesazh ngushëllimi.
Një person ka humbur jetën dhe disa janë plagosur në një aksident trafiku në autostradën A-1, sipas televizionit kroat, HRT.
“Aksidenti ndodhi dje në mbrëmje, në orën 23:43, kur një autobus me targa shqiptare, për arsye të panjohura, devijoi djathtas dhe u përplas me barrierat mbrojtëse duke u përmbysur në anën e majtë të tij’’, tha policia kroate.
Në momentin e aksidentit në autobus ndodheshin nëntë pasagjerë dhe shoferi.
Autobusi drejtohej nga një shtetas shqiptar, 58 vjeç.
Hetimet për aksidentin kanë përfunduar, ndërsa policia vijon hetimet për rrethanat në të cilat ka ndodhur.
