Holandezi, Robin van Persie vazhdon të jetë zemërthyes për tifozët “guners” të Arsenal-it. Pas kalimit nga Emirates në Old Traford, një gjest që nuk e kishin kapërdirë dot topçinjtë, vjen edhe një gjest jo fort i pëlqyeshëm nga Turqia.
Van Persie ka firmosur një fanellë të skuadrës Manchester United para asaj të Arsenal-it, duke lënë të pikëlluar një tifoz të mitur. Gjatë kalimit në urën e Bosforit në Turqi, holandezi u ndal të pozonte dhe të firmoste fanellat e tifozëve, mirëpo, ai nuk u tregua edhe aq i kujdesshëm, deri sa firmosi një fanellë të Manchester United, para asaj të Arsenal-it, rivalit të përbetuar të tyre.
Një fëmijë mbeti i pikëlluar nga ky gjest i Van Persit, i cili edhe nga Stambolli vazhdon të jetë një zemërthyes për tifozët e klubit londinez, Arsenal. Tashmë sulmuesi holandez është anëtar i klubit turk Fenerbahçe, por dikur kishte bartur fanellat e dy klubeve në rivalitet, Arsenal-it dhe Manchester United./tesheshi.com/
