Prezantuesi i televizionit amerikan dhe ish-senatori republikan Joe Scarborough beson se mohimi në fillim nga ana e Presidentit Trump kur ishte fjala për përhapjen e koronavirusit, ka sjellë pasoja katastrofike në shëndet dhe ekonominë amerikane.
Në një artikull në Washington Post, Scarborough kritikoi deklaratat kontradiktore të Trumpit, i cili në fillim shpërfilli rrezikun e një epidemie, pavarësisht paralajmërimeve nga inteligjenca në lidhje me rreziqet e saj.
Trump tha në janar se “situata ishte nën kontroll”, se “gjithçka do të ishte mirë”, pavarësisht se mori alarmet e inteligjencës për javë të tëra në lidhje me kërcënimin e afërt, sipas autorit.
Trump gjithashtu tha në shkurt se ai pret që pandemia të zhduket deri në prill.
Ky parashikim i pamatur, sipas Scarborough, erdhi disa javë pasi punonjësit e Shtëpisë së Bardhë paralajmëruan se virusi mund të rrezikojë jetën e miliona amerikanëve dhe t’i kushtojë ekonomisë amerikane miliarda dollarë.
Scarborough vuri në dukje se Trump gjithashtu injoroi paralajmërimet e Anthony Fauci, drejtori i Institutit Kombëtar të Alergjisë dhe Sëmundjeve Infektive, duke thënë se përdorimi i paprovuar i ilaçit anti-malarik si një trajtim për COVID-19 mund të jetë “një nga faktorët më të mëdhenj që do të ndryshojë rregullat e lojës në historinë e mjekësisë “.
Administrata e Ushqimit dhe Barnave e SHBA paralajmëroi këtë javë që hidroksilkroina nuk duhet të përdoret si ilaç për virusin koronar sepse mund të çojë në probleme të rëndësishme të rrahjeve të zemrës.
Scarborough përfundoi duke thënë se përgjegjësia për jetët e humbura nuk është vetëm e Trump, por se dhe regjimi komunist kinez gjithashtu ka një përgjegjësi të madhe që refuzoi të paralajmërojë botën për tmerret që kanë ndodhur në vendin e tij. /tesheshi.com/
