Një ish-roje kampi përqendrimi nazisët mbërriti në një karrocë në sallën e gjyqit, për një proces nga më të fundit për krimet e luftës naziste.
Bruno D., emri i të cilit nuk mund të thuhet për arsye ligjore, është 93 vjeç dhe akuzohet si bashkëpunëtor në disa nga 5,230 vrasjet e muajve të fundit të Luftës së Dytë Botërore.
Ai ishte pjesë e një njësie ushtarake që ruante kampin e përqëndrimit Stutthof, pranë atë që tani është qyteti i Gdansk në Poloni.
Në kohën kur ai kreu krimet e pretenduara, ishte 17 dhe 18 vjeç, kështu që do të gjykohet në gjykatën për të mitur.
I pandehuri u përpoq ta mbronte fytyrën pas një dosje të kuqe pasi një nëpunës i gjykatës e futi atë në sallën e gjyqit në Hamburg në fillim të gjykimit.
Dhjetëra mijëra njerëz, kryesisht hebrenj, u vranë në kamp gjatë gjashtë viteve të ekzistencës së tij. Shumë u vranë në dhomën e gazit, ndërsa të tjerët vdiqën nga uria, sëmundja dhe rraskapitja.
Pasardhësit e të mbijetuarve pritet të mbushin sallën e gjyqit në një gjykim të hapur për publikun.
Prokurorët pretendojnë se si roje ai ishte bashkëpunëtor në vrasjet e të burgosurve që u përpoqën të shpëtonin nga kampi.
Radio dhe Televizioni NDR raportoi se ka ende 29 raste të hapura në Gjermani kundër personave të akuzuar për përfshirje në Holokaust gjatë së cilës regjimi nazist i Adolf Hitlerit shkaktoi vdekjen e më shumë se gjashtë milion hebrenjve. /tesheshi.com/
