Ish-ministri izraelit i Drejtësisë Haim Ramon tha se lufta e nisur nga qeveria e Benjamin Netanyahut në Rripin e Gazës përfundoi në një disfatë strategjike për Izraelin.
Kur u pyet nëse lufta kishte mbaruar, Ramon u përgjigj: “Fatkeqësisht po. Nuk arritëm asnjë nga objektivat e vendosura nga qeveria”.
Ai shtoi se sulmi tokësor filloi në mënyrë të gabuar, sepse filloi intensivisht vetëm në veri të Rripit të Gazës dhe vazhdoi: “Ne dërguam një milion e gjysmë refugjatë në jug dhe tani nuk do të shkojmë në Rafah, sepse ka një milion e gjysmë njerëz atje. Në të vërtetë nuk është problemi i Amerikës, problemi ynë është se si i trajtojmë ata”.
Ramon tha: “Gjashtë muaj më parë ne hymë në këtë luftë me një qëllim, që është të mposhtim Hamasin me forcë ushtarake, por ai ende qëndron në këmbë”.
Ai vijoi: “Ne thamë se do të përdorim forcën ushtarake për të liruar të burgosurit, por as kjo nuk ndodhi. Qëllimet e luftës nuk janë arritur pas gjashtë muajsh dhe tani jemi në telashe të mëdha”, tha ish-ministri izraelit. /tesheshi.com/
