Ish-lideri i VMRO-DPMNE e njëherësh ish-kreministri Ljubco Georgievski, beson se zgjedhjet e parakohshme parlamentare në Maqedoni janë një rrezik i madh që sipas tij mund të “varrosin” marrëveshjen me Greqinë.
“Unë dua të besoj se është e mundur një zgjidhje në parlament. Kur ne dëgjojmë deklaratat e Bashkimit Social Demokratik, duket se çdo gjë është marrë me kujdes, dhe kur dëgjojmë ato të VMRO-së, ngjan sikurc jemi ende në fillimet e çështjes”, deklaroi Georgievski.
Ai beson se zgjedhjet e reja nuk do të sjellin asnjë një zgjidhje.
Sipas tij, zgjedhjet e reja do të reduktohen në pyetjen se kush është “pro” dhe kush është “kundër” marrëveshjes me Greqinë, çfarë do të ishte përsëritja e situatës me referendumin.
“Socialdemokratët duhet të fillojnë bisedimet direkte me udhëheqësit e VMRO-së për të parë se çfarë dëshiron opozita në fakt”, shtoi Georgievski.
Ish-kryeministri i Maqedonisë beson se politika e ish-partisë së tij ka ecur në në drejtimin e gabuar, dhe pyeti zyrtarët e saj se bënin ata në drejtim të ndryshimit të emrit kushtetues, nëse do fitonin zgjedhjet e reja.
“Aktualisht, Maqedonia është e vendosur në mes të një përplasje midis Perëndimit dhe Lindjes, e cila është më e theksuar pas Luftës së Ftohtë. Në këtë përplasje, ne ose do të ulemi në tryezë dhe t’i zgjidhin problemet, ose do të jemi në tryezë si pjesë e problemit”, tha Georgievski.
Komentet e tij u bënë gjatë një interviste për TV Telma në Shkup. /tesheshi.com/
