Ish-kryetari i Kuvendit të Maqedonisë, Lubisha Georgievski ka uruar ironikisht qytetarët e Maqedonisë për shtetin e tretë shqiptarë në rajon. Megjithatë sipas tij përzgjedhja e Talat Xhaferit për kryetar Kuvendi është jolegale dhe nuk mund të kalojë aq lehtë.
“Të gjithëve ia uroj shtetin e tretë shqiptar në rajon” – kjo është fjalia e parë e ish-kryetarit të parlamentit, Lubisha Geogrievski i pyetur se si e komenton zgjedhjen e Talat Xhaferit për kryetar të Parlamentit.
“Tërësisht është e qartë se zgjedhja e Xhaferit është shkelje e të gjitha rregulloreve të punë së parlamentit dhe ashtu nuk mund të kalojë. Kjo është vetëm një parodi e madhe, por të gjithëve dua që t`ua uroj shtetin e tretë shqiptar. Kjo nuk është asgjë tjetër përveçse realizim i ëndrrës së madhe shqiptare”, ka theksuar Geogrievski. /tesheshi.com/
