Ish-një prej figurave simbol të klasës së të përndjekurve politikë, Daut Gumeni, është shprehur kundër protestave të ndërrmara nga opozita me kartën e mosbindjes civile.
“Kush je ti që bllokon rrugët? Nëse je i zoti dil me platformë reale…”, tha Gumeni gjatë një interviste në A1 Report.
Sipas tij, me këtë sjellje PD do humbë akoma më shumë vota, pasi siç tha ai njerëzit kanë kujtesë e ndërgjegje.
Gumeni foli dhe për qasjen e opozitës ndaj tarifimit të Rrugës së Kombit, duke e akuzuar për abuzime e mospërfundim të saj.
“Si mund të ulërasësh për Rrugën e Kombit kur përflitesh për vjedhje dhe ku ende nuk e ke përfunduar”, theksoi Daut Gumeni, i cili ka qenë gjithnjë prej atyre që nuk janë pajtuar me PD-në që prej viteve ’90-të. /tesheshi.com/
