Nga Mensur Krasniqi
Lideri i partisë “Dinjiteti” dhe ish-gjenerali i Armatës Maqedonase në luftën e vitit 2001, Stojanço Angellov, kërkon burg të përjetshëm për vrasësit dhe gjithë ata që sipas tij u përfshinë në vrasjen e policëve në Lagjen e Trimave, Kumanovë.
Ai kërkon që të sillet dënimi me vdekje për çdo vrasje të pjesëtarëve të policisë apo Armatës së Republikës së Maqedonisë.
Angellov, nga Ministria për Punë të Brendshme ka kërkuar t’i inspektojë të gjitha ngjarjet në Lagjen e Trimave, posaçërisht për faktin se sipas tij, për 9 ditë është ditur se ekziston grup i armatosur, por nuk është ndërmarrë asgjë. Në vazhdim mund të lexoni statusin e plotë të Stojanço Angellov që ka postuar në profilin e tij Facebook.
“I dëgjova deklaratat e vrasësve të akuzuar. Dëgjoj dhe nuk mundem të besoj. Vrasësit e 8 policëve, vrasësit e 3 vëllezërve të mi të pushkës në luftën e vitit 2001, kasapët e dhjetërave rëndë të lënduar nga njësiti special, po u ndjejkan të pafajshëm për vrasjen dhe nënçmimin e policëve maqedonas!!! Kanë gjuajtur në vetmbrojtje!!! Janë mbrojtur!!! Por nga kush janë mbrojtur??? Dhe pse??? E çka do i kishte ndodhur nëse përshembull do kishin vrarë 8 policë nga Amerika, Gjermania ose Rusia??? A thua edhe atje do të ndjeheshin të pafajshëm? Burgim të përjetshëm për të gjithë të involvuarit për vrasjen e policëve në Lagjen e Trimave!!! Aplikimi i dënimit me burg të përjetshëm për vrasjen e një ushtari polic!!!
Kësaj kërkese të Stojanço Angellovit, i cili kërkon dënim me vdekje për personat që vranë policët në Lagjen e Trimave në Kumanovë, në një prononcim për gazetën Lajm, më së miri i përgjigjet Komandant Zhuja, ish-luftar i UÇK-së.
Sipas këtij të fundit, ata janë luftëtarë lirie dhe jo terroristë, siç thonë maqedonasit. Ndërsa për Angellovin, Zhuja thotë se është një frikacak që kërkon hakmarje ndaj burrave nëpërmjet policisë, meqë nuk mund të përballet në front me ata.
“Pikërisht këta trima në vitin 2001 e fituan luftën, kur ky farë Angellovi ishte komandant i forcave maqedone, në anën tjetër të vijës së frontit. Ky Angellov, që sot krekoset në mënyrë shumë të ulët dhe të turpshme, përballë këtyre burrave luftëtarëve të UÇK-së, në vitin 2001 i humbi të gjitha betejat, ama të gjitha. Tash klith si frikacak. E kuptojmë se frikacaku në këtë mënyrë kërkon hakmarrje ndaj burrave, ndryshe nuk ka guxim të përballet me ata. Sa turpshëm kërkon burg të përjetshëm. Po pse këtë se bëri derisa ishte komandant, por tash kur askush se përfill. I bëj thirrje autoriteteve maqedonase që t’i lirojnë menjëherë djemtë sepse janë të pafajshëm dhe nuk kanë kurrfarë baze për t’i dënuar. E dini të gjithë se kjo është lojë e qeverisë e cila i montoi dhe tradhëtoi djemtë e 2001-shit”, deklaroi komandant Zhuja. /tesheshi.com/
|
|
