Ish-deputeti më i zëshëm i Kuvendit në Maqedoni, Izet Zeqiri, ka reaguar ndaj asaj çfarë po ndodh këto ditë me entin e njohur botues te letrave shqipe, Logos – A, ku segmente pushteti i kanë bërë një “rrethim” duke e kontrolluar imtësisht për çdo gjë, një sjellje e kuptuar dhe e komentuar si një hakmarrje politike; për faktin ngaqë prej aty kanë dalë disa figura të Lëvizjes BESA.
Zeqiri thotë se nuk mund ta kapërdijë faktin që për motive politike, pushteti kërkon të mbyllë shtëpinë më të madhe botuese në Maqedoni e më gjërë, ndër më prestigjozet e hapësirave shqiptare. Përveç të tjerash, ai i kujton partisë shqiptare në pushtet, BDI-së, se nga 924 botime që janë përkrahur nga institucionet shtetërore këtë vit, vetëm 27 janë në gjuhën shqipe, ose diku rreth 2.9 për qind, dhe asnjëherë nuk ka reaguar.
“Ndërhyrja me inspekcion për motive poltike në shtëpinë botuese Logos-A me mbi 25 vjet kontribut në botime dhe përkrahje të autorëve shqiptarë është çmenduri.
Në vend qe pushteti shqiptarë të intervenon me inspekcione për kontroll në institucionet që përkrahin veprimtaritë botuese në Maqedoni, ku nga 924 botime vetëm 27 në gjuhën shqipe (2.9%) për një vit, ajo godet institucionet që kontribuojnë në librin shqip. Shih tabelën”, ka shkruar në FB ish-deputeti, Izet Zeqiri. /tesheshi.com/
