Për dallim nga organet institucionale, ish-ambasadori i Maqedonisë në NATO, Nano Ruzhin nuk mendon se në Maqedoni ekziston islami ekstremist. Sipas tij, interesante është e dhëna se Maqedonia nuk është e populluar nga ai lloj i popullatës ashtu si është popullata sunite në Afrikën Veriore të cilët jetojnë në Evropën Perëndimore dhe ku u rekrutuan pjesa më e madhe e pjesëmarrësve në luftërat e ISIS kundër koalicionit anti-terrorist dhe kundër shiiave në Irak, Siri dhe në kohët e fundit edhe në Libi.
“Njerëzit në Maqedoni të besimit mysliman janë suni, por Islami i Ballkanit nuk është islam ekstrem, ajo që ka ardhur prej jashtë është ekstremizëm”, ka theksuar Ruzhin.
Për këtë arsye, Ruzhin thekson se preventiva duhet që të bart llogari edhe për prejardhjen e imamëve gjegjësisht se ku janë formuar, nëse janë formuar në Lindjen e Mesme ose ashtu si thuan francezët, ne duam imam që janë të formuar në botën e lirë ku respektohen liritë e qytetarëve.
“Pjesa dërmuese e preventivës së policisë në Evropë është që t`i kufizojnë aktivitetet e imamëve ekstremist të cilët thërrasin në radikalizëm dhe një lloj të aktiviteteve që mund të nxisin vrasje masive e të ngjashme”, ka shtuar Ruzhin.
Ndryshe, para një javë, Gjykata Penale në Maqedoni ka dënuar pesë persona me nga 5 vite burg, dhe hoxhën e njohur nga Shkupi me 7 vite burg nën akuzën për pjesëmarrje dhe organizimin e regrutimit të ushtarëve për në luftë në Siri.
- Krasniqi – /tesheshi.com/
