Fill pas një interviste të ambasadores franceze në Tiranë, e cila zgjidhte të destruktonte sulmet e presidentit Meta edhe me gjuhë ironike, ka ardhur një reagim nga selia e kreut të shtetit. Zëri i tij mediatik Tedi Blushi, pa u kuptuar nëse e ka patur me znj.Vasak a me tjëtërkënd nga amasadorët, i quan këta të fundit “karagjozë” dhe “qesharakë”.
“Presidenti Meta nuk ndalon asnjë ambasador të bëhet qesharak dhe karagjoz duke hyrë në debate juridike që nuk ekzistojnë, pasi Kushtetuta dhe ligji për Gjykatën Kushtetuese e kanë të shkruar qartë dhe prerë se Presidenti s’mund të bëjë dy emërime të menjëhershme në Gjykatën Kushtetuese. Por Presidenti nuk i ndalon ata t’i drejtohen vetë Komisionit të Venecias e ta pyesin: Kush është me e rëndësishme, Kushtetuta e Shqipërisë apo Dvorani i Partisë?” , shkruan Blushi në emër të Metës.
Ai rezervon dhe një frazë tjetër, që ngjan se i referohet kësaj deklarate të ambasadores franeze: Po, diplomatët takohen. Po, diplomatët mblidhen rregullisht. Dhe grupi i parë, për ne francezët, si edhe për të tjerët, është ai i ambasadorëve të Bashkimit Europian”, ka thënë Vasak, për t’u pasuar nga Blushi me fjalët: “A i keni marrë leje Kryetarit të shtetit tuaj kur hyni në lojërat e grupit të strukturuar diplomatik për të diskutuar dekretet e Kryetarit të një shteti që e ka shpallur Pavarësinë që në vitin 1912″. /tesheshi.com/
