Irani ka në plan të krijojë versionin e vet, lokalisht të kontrolluar të internetit, të quajtur “Hallall net”, për të ruajtur kontrollin e rreptë mbi rrjedhën e informacionit në publik.
Kjo ndodh në një kohë kur ky vend aziatik po i afrohet shënimit të 40-vjetorit të Revolucionit Islamik përmes të cilit erdhi në pushtet qeveria e saj teokratike, shkruan Independent.
Gjatë katër viteve të fundit, autoritetet kanë inkurajuar përdorimin e gjerë të internetit në mesin e iranianëve, duke shpresuar që të nxjerrin përfitimet e një ekonomie moderne.
Megjithatë, si rezultat, gati gjysma e popullsisë në xhepat e tyre ka “veglën” të cilin shteti po përpiqet ta kufizojë, smartfonin.
Smartfonët thuhet se kanë ndihmuar në përhapjen e protestave që kanë shpërthyer në Iran gjatë këtij viti.
Hulumtimet kanë treguar se në vitin 2014, dy milionë iranianë kishin nga një smartfon, dhe vlerësohet se ky numër tani është rritur në 48 milionë. /tesheshi.com/
