Irani njoftoi të dielën se do të rrisë nivelin e pasurimit të uraniumit në pesë për qind, që është mbi kufirin e vendosur në marrëveshjen bërthamore të vitit 2015, i përbërë nga gjashtë fuqi kryesore, tha një zyrtar iranian për Reuters.
“Irani do të rrisë nivelin e pasurimit në 5 për qind nga 3.67 për qind siç është rënë dakord sipas marrëveshjes”, tha një zyrtar të shtunën i cili donte të mbetet i paidentifikuar.
Agjencia iraniane e lajmeve Fars ka njoftuar më parë se negociatori bërthamor i Iranit, Abbas Araqchi do të njoftojë devijime të reja nga marrëveshja bërthamore.
Tensionet midis Teheranit dhe Uashingtonit filluan vitin e kaluar kur Presidenti Trump vendosi të braktiste marrëveshjen bërthamore të vitit 2015 dhe të imponojë sanksione në këmbim të reduktimit të programit bërthamor nga ana e Iranit.
Sipas kësaj marrëveshjes së 2015-ës , Irani mund të pasurojë uranium deri në 3.67 për qind.
Në përgjigje të sanksioneve amerikane që ndikojnë fuqishëm në burimin e saj të të ardhurave nga eksportet e naftës bruto, Irani njoftoi në maj se do të braktisë gradualisht detyrimet e saj sipas marrëveshjes.
Sot është afati i fundit që Irani u ka dhënë vendeve evropiane nënshkruese të marrëveshjes për ta respektuar atë, pasi Shtetet e Bashkuara dolën nga marrëveshja me iniciativën e vet dhe prezantuan sanksionet e Teheranit.
Këshilltari i lartë i Iranit, Ali Akbar Velayati, tha të shtunën se Irani është gati të pasurojë uraniumin përtej nivelit të parashikuar nga marrëveshja e armëve bërthamore 2015 me fuqi të mëdha.
“Amerikanët janë më drejtpërdrejtë, ndërsa evropianët shkelin në mënyrë indirekte marrëveshjen”, tha Velayati.
Velayati tha në një video-mesazh se për rritjen e niveleve të uraniumit u ra dakord njëzëri.
“Ne do regojmë në mënyrë eksponenciale: do i zvogëlojmë obligimet tona deri në masën që ato i zvogëlojnë.”
“Nëse kthehen në përmbushjen e detyrimeve të tyre, edhe ne do ta bëjmë atë”, tha Velayati.
Nga ana tjetër, Presidenti Trump paralajmëroi Iranin që të jetë “i kujdesshëm me kërcënime” pasi presidenti iranian Hassan Rouhani tha se Teherani do të rriste pasurimin e uraniumit përtej kufirit të vendosur nga marrëveshja bërthamore 2015. /tesheshi.com/
