Një akuzë e rëndë u lëshua një ditë më parë në kuadër të një analize mbi përplasjen e Shqipërisë me Iranin.
Me statusin e ekspertit të sigurisë, Bedri Elezi, nga Kosova do deklaronte se spiunazhi iranian ka vepruar në Shqipëri duke u infiltruar në xhami apo duke rekrutuar hoxhallarë.
Për komunitetin e besimtarëve, kjo ka rënë si “bombë”. Jo si “bombë” e zbulimit të një fakti por e deklarimit të një të pavërtete, pra një gënjeshtre ta pastërt.
Iranianët, politikanë apo fetarë, aq më pak agjentë, nuk është e mundur të kenë kurrë pikëlidhje me jetën fetare në Shqipëri e kjo për shumë arsye.
Dhe ndër ndër reagimet për këtë gënjeshtër në trajtë dhe akuze, ka ardhur nga Ilir Curri, një hoxhë që kërkon deri mbajtjn e përgjegjësisë ligjore për atë që e ka thënë, më saktë, ekspertin e sigurisë nga Kosova.
“Ku janë myslimanët në Shqipëri?!
Ku janë institucionet e drejtësisë?!
Ku është Komuniteti Mysliman?!
Si duket edhe për shumë kohë, këto pyetje apel nuk do gjejnë reagimin e duhur për të ndaluar atë që sot është një gjuhë e papërgjegjshme përçarjeje në shoqërinë shqiptare, por që në një të ardhme mund të sjell dëme të parikuperueshme për vendin.
Sulmet verbale ndaj xhamive, myslimanëve, Islamit dhe simboleve fetare, “gogolizimi” primitiv i fesë, etiketimet e herëpashershme ndaj trashëgimisë historike e fetare të shqiptarëve myslimanë janë në dëm jo të imazhit të Islamit siç mund ta mendojë shumëkush, por janë në dëm të të gjithe shoqërisë sonë shqiptare.
Islamofobët në Shqipëri duhet ta kuptojnë që nuk mund të snobizojnë sivëllezërit e tyre në vende si Hollanda, Belgjika a Danimarka pasi myslimanët në Shqipëri janë shqiptarë dhe jo të ardhur nga ndonjë pjesë tjetër e globit për një arsye e një tjetër.
Siç duhet ta kuptojnë këtë sa më parë aq më mirë se mllefi që arrijnë të derdhin lirshëm kundër bashkatdhetarëve tyre myslimanë është rezultat i tolerancës së pakufishme dhe luajalitetit që këta të fundit kanë për shoqërinë e Shqipërinë e përbashkët.
Akuza se xhamitë mund t’i shërbejnë dikujt a diçkaje përvec besimit në Zotin Një e adhurimit të Allahut, Zotit të botëve është jo veç e padrejtë por edhe nëse nuk është pjellë e shërbimeve sekrete të vendeve fqinje që u intereson destabilizimi i këtij vendi e që paturpshëm e papërgjegjshëm i artikulon çdo njeri që i del fati të shfaqë suratin në tv, ato akuza u shërbejnë atyre shërbimeve.
Nuk bëhet fjalë për “i tas pilaf” por impakti i këtyre akuzave vepron në afatgjatën e rrjetës shoqërore, ku këto vemjet gricin, grijnë e bluajnë çdo ditë e nga pak. Siç nuk bëhet fjalë për procese censuruese apo vetcensuruese por për domosdoshmërine e vënies para përgjegjesisë nga ana e institucioneve shtetërore të këtyre mushkonjave djallëzore që kanë arritur të kuptojnë se sulmet ndaj Islamit dhe myslimanëve të bëjnë të famshëm, por pa e konsideruar se ajo famë ka kosto të mëdha për këtë vend.
Deri kur Komunitetit Musliman nuk do ngrejë nje zyrë të posaçme ligjore që të ndjekë raste të tilla duke ndjekur rrugët ligjore për të marrë në llogari çdo njeri që mendon se mund të luajë e përfitojë në kurriztë interesave mbarëkombëtare siç janë paqja, siguria, bashkëjetesa e mirëkuptimi? Për t’i treguar çdo të papërgjegjshmi se nuk është lojë me harmoninë e trashëguar dhe se ajo nuk mbrohet me “gjasme” e konferenca të tredhurish e fjalimeve produkt i fondeve të huaja, por me ligj dhe kushtetutë që i garanton ky vend.
Në komunizëm, sigurimi fuste armë në kisha e xhami për të inkriminuar klerin fetar, sot stisen akuza të tilla për të eleminuar faktorin fetar.
Nëse xhamitë qenkan mbulesë e spiunazhit të huaj a të brendshëm, ose i akuzuari ose akuzuesi duhet të vihet para drejtësisë.
Komuniteti Mysliman, si përfaqësues i yni ose të çojë para drejtësisë bartesin e akuzës, ose të pranojë si të vërtetë këtë sulm kaq të rëndë për Shtëpitë e Allahut, si vendet më të pastra, më të dashura e më të paqta tek Zoti i botëve, se muslimani shqiptar nuk mund dhe s’ka se si ta pranojë këtë”, shkruan Curri. /tesheshi.com/
