Irani ndalon qethjen e flokëve si kreshtë

Qethjet e flokëve si kreshtë dhe me origjinë joortodokse janë të ndaluara tashmë zyrtarisht në Iran. Përligjja e ndalimit është thjesht arsyeja se ato nënkuptojnë “adhurimin e djallit”. Po ashtu janë ndaluar tatuazhet, si dhe zbukurimet e tjera trupore joortodokse.

Flokët si kreshtë janë në modë vitet e fundit mes rinisë iraniane, por janë vlerësuar nga autoritetet si perëndimore dhe joislame.

Ndalimi u bë i njohur nga kryetari i Unionit të Berberëve të Iranit, i cili paralajmëroi se do të merren masa të ashpra për tërë ata berberë që qethin në stilin e adhurimit të djallit.

Nuk do të tolerohen, sipas një njoftimi, dhe trajtimet e solariumit dhe heqja e vetullave, një tendencë tjetër në rritje mes meshkujve të rinj iranianë.  /tesheshi.com/