Irani i ka dërguar Izraelit “fotografi dhe harta të depove të armëve bërthamore izraelite” përmes një ndërmjetësi evropian, tha një burim iranian.
“Teherani i ka dërguar Izraelit foto dhe harta të armëve bërthamore izraelite”, tha burimi, duke shtuar se “shumica e fotove nuk janë imazhe satelitore, por imazhe nga toka”.
Ai vuri në dukje se Teherani ka konfirmuar se do të synojë këto magazina dhe objekte nëse Izraeli vendos të fillojë një luftë me Iranin, duke shtuar se Izraeli ka ndryshuar më parë vendndodhjet e depove strategjike, por dokumentet e dërguara nga Teherani përfshinin vendndodhje të reja.
Të hënën, presidenti iranian Ebrahim Raisi paralajmëroi se forcat e armatosura të vendit të tij do të “kundërshtojnë me vendosmëri” çdo lëvizje izraelite kundër Iranit.
“Entiteti sionist duhet të dijë, “meqenëse forcat tona të armatosura ndjekin çdo lëvizje të tij, se nëse ndërmerr ndonjë veprim kundër popullit tonë, forcat tona të armatosura do të vënë në shënjestër qendrën e entitetit sionist”, tha Raisi.
Mediat izraelite raportuan të mërkurën se, megjithëse negociatat për ringjalljen e marrëveshjes bërthamore të vitit 2015 kanë ngecur, Izraeli po i kërkon Shtëpisë së Bardhë të përmbahet nga heqja e Gardës Revolucionare iraniane nga lista e organizatave terroriste. /tesheshi.com/
