Irani ka praniuar se ushtria e vendit “rrëzoi pa dashje” një aeroplan pasagjerësh ukrainas, duke deklaruar se ishte një gabim njerëzor.
Një deklaratë nga ushtria iraniane thotë se avioni ishte vlerësuar gabimisht si një “objektiv i armikut”, pasi u drejtua drejt “qendrës së ndjeshme ushtarake” të Gardës Revolucionare.
“Në këto kushte, për shkak të gabimit njerëzor, avioni u godit pa dashje”, thuhet në deklaratë, duke shtuar se ata që janë përgjegjës do të ndiqen penalisht.
Ushtria iraniane ka kërkuar falje, duke thënë se do të përsosë sistemet e saj për të parandaluar që tragjedi të tilla të mos ndodhin përsëri.
Ministri i Jashtëm iranian Mohamad Javad Zarif tha në Tëitter se një hetim nga forcat e armatosura tregoi se rënia e Boeing-ut ukrainas 737-800 ishte rezultat i “një gabimi njerëzor në kohën e krizës aventureske amerikane që çoi në katastrofë”.
Presidenti iranian Hassan Rouhani se “thellësisht” shprehte keqardhje që avioni ukrainas u rrëzua dhe se, sipas fjalëve të tij, “ka ndodhur një tragjedi e madhe dhe një gabim i pafalshëm”.
“Një hetim i brendshëm nga forcat e armatosura përfundoi, ku për fat të keq, rezultoi që raketa e cila shkaktoi rrëzimin e aeroplanit ukrainas dhe vdekjen e 176 njerëzve të pafajshëm. u qëllua”, ka shkruar Rouhani në Tëitter, duke shtuar se “hetimi po vazhdon për të sjellë fajtorët para drejtësisë”.
Hetimi erdhi pasi zyrtarët amerikanë dhe kanadezë thanë se ishte “shumë e mundshme” që një raketë iraniane kishte goditur aeroplanin, gjë të cilin Teherani fillimisht e mohoi, duke i quajtur pretendimet “gënjeshtra të mëdha”.
Avioni u rrëzua të mërkurën, disa orë pas lëshimit të raketave iraniane ndaj dy bazave ushtarake në Irak të përdorura nga forcat amerikane, që ishte hakmarrje për vrasjen e gjeneralit më të fuqishëm të Iranit, Qassem Suleimani. /tesheshi.com/
