Telashe të tjera e presin moderatorin dhe kantautorin Ardit Gjebrea pas intervistës së realizuar prej tij me të dënuarin e përjetshëm Marjan Rroku, autor i vrasjes së nënë e bijë në vitin 2001.
Fasni Canaj, i ati i Alda Canajt e njëherësh bashkëshort i Mërgime Canajt, ka ngritur padi ndaj Gjebresë me akuzën për “fyerje”.
Ky zhvillim pason zhurmën e madhe të bërë ne media pas asaj interviste për llogari të spektaklit “E diela shqiptare”.
Intervista e Gjebresë me Marjan Rrokun, përveçse naivitet profesional, u konsiderua dhe si një stisje e qëllimtë për ta shpëtuar Rrokun nga dënimi i përjetshëm.
Reagimeve të forta të opinionit karshi Gjebresë, ky i fundit iu përgjigj pas disa ditësh duke e përligjur tërësisht atë që kishte bërë, e duke sulmuar njëherësh ata që e kishin sulmuar, nga radhët e zërave mediatikë.
Ndërsa tashmë, Gjebrea pritet të përballet dhe në gjyq me kryefamiljarin e viktimave. /tesheshi.com/
