Nga Blendi Gashi
Një vizitë e bërë nga ndihmës/sekretari amerikan, Hoyt Yee, këtë javë në Prishtinë përfundimisht ka zbrapsur presidnetin Thaçi nga iniciativa e tij për të themeluar ushtrinë përmes ndryshimit të ligjeve.
Ndonëse kreu i shtetit me këmbëngulësi disa herë deklaroi qoftë përmes konferencave apo intervistave dhënë mediave, se “nuk ka kthim mbrapa dhe ushtria do themelohet”, ai tashmë është dorëzuar duke transformimin e Forcës së Sigurisë në Forca të Armatosura duke thënë se “ushtria do bëhet nëpërmjet një procesi transparent dhe gjithëpërfshirës”, duke lënë në dorë të deputetëve të Listës Serbe derisa këta të marrin lejen nga Serbia.
Thaçi i cili për disa javë trazoi opinionin me “ushtrinë”, u shprehte aq i vendosur në çuarjen përpara të iniciativës së tij sa në një deklarim për mediat tha se “jap dorëheqje nëse Kuvendi nuk e voton ushtrinë”.
Por tashmë kurfjala publike e dhënë nga Thaçi nuk po bëhet realitet, pasi ushtria nuk do themelohet përmes ndryshimit të ligjit por do pritet derisa ndërkombëtarët t’ia ndryshojnë medien Serbisë dhe kjo e fundit deputetëve të “Srpska-s”, kërkohet që presidenti të jap dorëheqjen pasi që nuk e mbajti premtimin.
Ja ç’thonë analistët…
Arsim Haziri, njohës i rrethanave poitike, pohon se nё shtetet normale, fjala publike ka edhe anёn e saj tё llogaridhënëse, pra liderёt nё rast se inicojnё njё çështje themelore dhe nëse eventualisht çështja nuk arrinё tё gjej formё mbёshtetёse, atёhere opsion i vetёm ёshtё edhe dorëheqja.
“Nё rastin Thaçi, si dhe nё iniciativën e tij jokordinuese prej faktorёve relevant, si dhe duke pas nё konsideratё fjalёn nё nivel mediatik, nё rast ‘mosvotimi formimin e ushtrisё’, unё dorёhiqem, konsideroj se duhet tё thirrёt nё pёrgjegjёsi dhe llogaridhёnje. Çështjet çfarë pёrbёjnё peshё nacionale, mbi gjitha tё rëndësishme, konsideroj se duhet tё marrin mё shumё koordinim tё gjёrё dhe jo tё reduktohen e mbesin ne nivel individual”, shprehet Haziri, për tesheshi. com.
Sipas tij reklamimi në nivel mediaktik, dhe tentimi pёr tё marrё meritat i vetёm dhe mё pas dёshtimi duhet tё ketё edhe anёn tjetёr tё medaljes, pra atё nga distancimi prej pozicioneve publike.
“Nёse eventualisht themelimi i ushtrisë do tё merrte formё konkrete, atёherё Thaçi do tё identifikonte karakterin e tij si tё paprekshëm. Mirёpo plani i tij pёr tu nxjerrё si faktor pёrcaktues ndaj çdo procesi hasi nё rrugё jo mbёshtetёse”, thotë Haziri.
Analisti tjetër, Faik Krasniqi, shprehet se ideja e Thaçit për ushtrinë, pa kordinim me partnerët strategjikë si SHBA-në dhe NATON-në, ishte më shumë çështje aventure dhe bajraktarizmi nga ana e tij.
Sipas Krasniqit tërheqja nga bërja e ushtrisë është një dështim i madh i presidentit.
“Padyshim që duhet të jap përgjegjësi për iniciativën e dështuar. Iniciativë dhe lojë shumë e rrezikshme, duke marrë parasysh se në çfarë mënyre tentonte ta krijonte ushtrinë, pa mbështetjen e ndërkombëtarëve, edhe pse gënjente opinionin se kjo iniciativë është në kordinim të plotë me SHBA-në dhe NATO-në. Prandaj, dorëheqja është e pakta që duhet të bëj, por duke e njohur ai nuk do të jap dorëheqje. Tekefundit nuk është hera e parë që na gënjen për gjëra madhore. Prej 2010 na ka gënjyer për liberalizim të vizave, dhe një gjë e tillë akoma nuk ndodhi”, thotë Krasniqi, për tesheshi. com.
Pas tërheqjes së Thaçit ka reaguar edhe publicistja Flaka Surroi, e cila përmes një statusi në Facebook ia ka kujtuar presidentit premtimin e bërë.
“Kush nuk e kaloi ligjin tash? A është koha për dorëheqjen e premtuar?”, ka pyetur Surroi.
Ndryshe, presidenti Thaçi është shprehur se do të bind deputetët e “Srpska-s”, vota e së cilëve është vendimtare për themelimin e ushtrisë. Por kjo e fundit përmes deputetit Nenad Rashiq ka deklaruar se nuk do të diskutojnë me presidentin për ushtrinë, pasi thonë se nuk është interes i tyre që të bisedohet për ndryshime kushtetuese. /tesheshi.com/
