Gianni Infantino, sekretari i përgjithshëm i UEFA-s, është tërë besim se do t’ia dalë të fitojë ndaj kandidatëve të tjerë e të zgjidhet president i FIFA-s në kongresin e jashtëzakonshëm.
Ai është një nga pesë kandidatët që kërkojnë të marrin postin më të lartë të organit botëror të futbollit. Infantino ka shprehur bindjen se do të sigurojğ më shumë se 105 vota që duhen për t’i fituar zgjedhjet. Çdonjë nga 209 federatat e futbollit të FIFA-s ka të drejtën e një vote.
“Jam shumë i sigurt për situatën, dhe diskutimet që po kam me drejtuesit e shumë federatave më bëjnë të ndjehem edhe më i sigurt, kështu që shpresoj të kem më shumë se 105 (vota),” i ka deklaruar ai Reuters-it.
Infantino kandidon në zgjedhjet e jashtëzakonshme të FIFA-s duke patur përballë katër kandidatë të
tjerë, e pikërisht, biznesmenin afrikanojugor Tokyo Sexwale, presidentin e Konfederatës Aziatike të Futbollit, Salman bin Ebrahim al-Khalifa, ish-zëvendësekretarin e përgjithshëm të FIFA-s, Jerome Champagne, dhe zëvendëspresidentin e FIFA-s për Azinë, princin Ali bin-al-Hussein.
Si UEFA dhe FIFA kanë mbetur pa drejtuesit e tyre më të lartë, pasi Michel Platini dhe Blatter-i u pezulluan në dhjetor për shkelje, të dënuar të qëndrojnë larg drejtimit të futbollit. /tesheshi.com/
