Një aeroplan i Sriwijaya Ai që transportonte më shumë se 60 persona humbi kontaktin menjëherë pas ngritjes nga kryeqyteti indonezian Xhakarta.
Aeroplani ishte në rrugën e tij për në Pontianak në ishullin Borneo, tha Adita Irawati, një zëdhënëse e Ministrisë së Transportit.
Ajo tha se kontakti me ekuipazhin u ndërpre vetëm pesë minuta pas ngritjes.
Kishte 56 persona në aeroplan, përfshirë shtatë fëmijë dhe gjashtë anëtarë të ekuipazhit.
Një zyrtar i qeverisë lokale i tha Kompas TV se peshkatarët gjetën rrënojat e avionit në ujërat në veri të Xhakartës dhe se kërkimi po vazhdonte.
Shërbimi i monitorimit të fluturimit Flightradar24 njoftoi në profilin e tij në Twitter se “fluturimi SJ182 ra nga një lartësi prej rreth tre kilometra në më pak se një minutë, afërsisht katër minuta pas ngritjes”.
Indonezia, vendi më i madh ishullor në botë, është goditur nga aksidentet tokësore, detare dhe ajrore për shkak të trageteve të mbipopulluara, infrastrukturës së vjetëruar dhe standardeve të sigurisë të zbatuara dobët.
Një Boeing 737 MAX i operuar nga linja ajrore indoneziane Lion Air u rrëzua në Xhakarta në fund të vitit 2018, duke vrarë të 189 pasagjerët dhe ekuipazhin. Avioni që humbi kontaktet të shtunën është një model shumë i vjetër. /tesheshi.com/
https://twitter.com/i/status/1347862978180345857
