Dhjetë ditë pasi Indonezia mbajti zgjedhjet më të mëdha njëditore në botë, më shumë se 270 persona nga stafi zgjedhor kanë vdekur, kryesisht nga sëmundjet që lidhen me lodhjen e shkaktuar nga orë të gjata pune. Ata gjetën vdekjen duke numëruar miliona fletë votimi me dorë, tha një zyrtar.
Zgjedhjet e 17 prillit ishin hera e parë që vendi prej 260 milionë banorësh kombinonte votën presidenciale me atë parlamentare dhe rajonale, me qëllim të shkurtimit të shpenzimeve.
Votimi ishte kryesisht paqësor dhe vlerësohej se kishte tërhequr 80 për qind të gjithsej 193 milion votuesve, ku secili duhej të plotësonte deri në pesë fletë votimi.
Që nga nata e së shtunës, 272 zyrtarë të zgjedhjeve kishin vdekur, kryesisht nga sëmundjet e shkaktuara mbingarkesa, ndërsa 1,878 të tjerë ishin sëmurë, njoftoi agjensia e lajmeve Reuters.
Ministria e shëndetësisë ka kërkuar që institucionet shëndetësore të ofrojnë kujdes maksimal për stafin e zgjedhjeve, ndërsa ministria e financave po punon për kompensimin e familjeve të të ndjerëve.
Autoriteti zgjedhor pritet që sot, me 22 maj, të shpallë fituesit e zgjedhjeve presidenciale dhe parlamentare. /tesheshi.com/
