Autoritetet indiane shkatërruan dy rrokaqiej të ndërtuar ilegalisht me lartësi 103 metra në një shpërthim të kontrolluar që zgjati dhjetë sekonda.
Këto janë dy strukturat më të larta ndërtimore të rrënuara ndonjëherë në Indi. Shembja e tyre pranë New Delhit me 850 apartamente të pabanuara u vëzhgua nga qytetarët në dritaret, ballkonet dhe taracat përreth.
Disa banorë aty pranë janë evakuuar më parë, raportoi Reuters.
Gjykata e Lartë e Indisë vitin e kaluar urdhëroi prishjen e këtyre rrokaqiejve në komunën Noida pasi një betejë e stërzgjatur ligjore zbuloi se kodet e ndërtimit dhe normat e sigurisë nga zjarri ishin shkelur në mënyrë të përsëritur.
Moment when Supertech Twin Towers were reduced to rubble.#ITVideo #TwinTower #Demolition @ShivAroor pic.twitter.com/byxsrGelof
— IndiaToday (@IndiaToday) August 28, 2022
Mbi 3700 kilogramë eksploziv janë përdorur për shembjen e kontrolluar të këtyre dy objekteve, raportojnë mediat lokale.
Ka lënë mbi 80,000 ton rrënoja. Disa ndërtesa aty pranë u mbuluan me fletë plastike të bardhë për t’i mbrojtur nga mbeturinat prej shembjes. /tesheshi.com/
