Një burrë i paidentifikuar kaloi një makinë pranë sigurisë së Vatikanit të enjten mbrëma, duke depërtuar portat e qytetit-shtetit dhe duke arritur në oborrin qendror të Pallatit Apostolik përpara se të dorëzohej në polici, tha zyra e shtypit e Vatikanit.
Siç raporton The Guardian, personi që u arrestua për këtë akt është një person me aftësi të kufizuara mendore.
Përveç kësaj, ata kanë deklaruar se rojet e sigurisë kanë qëlluar në gomat e automjtetit, por nuk ka mjaftuar për ta ndaluar.
Pasi makina arriti në oborrin e Pallatit Apostolik San Damaso, shoferi doli dhe u arrestua menjëherë. Vatikani njoftoi se ishte një burrë rreth të 40-tave dhe se ishte në “gjendje të rëndë psikofizike”. Ai mbahet në kazermën e Vatikanit.
Fatmirësisht, gjatë incidentit, Papa Françesku ndodhej në anën tjetër të Vatikanit dhe nuk u lëndua.
Breaking news from Vatican: A man in his 40’s drove a car at high speed towards the Vatican, smashing through St. Anna’s Gate and into Vatican City. Swiss guard shot at his front tires but he continued into the courtyard past Vatican Bank. He got out of his vehicle and was… pic.twitter.com/m8nhAAJ21k
— Colm Flynn (@colmflynnire) May 18, 2023
Kujtojmë se kjo nuk është hera e parë që dikush me probleme psikiatrike shkakton kaos në Vatikan. Gjatë meshës së Krishtlindjes në vitin 2009, një grua u hodh mbi barrikadën e Bazilikës së Shën Pjetrit dhe u përpoq të sulmonte Papa Benediktin XVI. Papa nuk u lëndua, edhe pse një kardinal që po ecte në procesion theu ijën e tij për shkak të turmës. /tesheshi.com/
