Një incident i një grupimi prorus në qytetin e Nishit Nish ka prishur aktivitetin e ambasadorit amerikan në Serbi, Kyle Scot.
Ai po mbante një ligjëratë në Universitetin Publik të Nishit, ku është sulmuar nga një organizatë e cilësuar “Clamp”.
Dragan Krstiç, kreu i këtij grupimi ka thirrur: nuk na nevojitet demokracia amerikane!”, “na keni goditur me bomba!”, “Kosova është Serbi, Krimeja është Rusi!”.
Në fletë-palosjet dhe posterat e hedhura ishte fotografia e presidentit rus Vladimir Putin dhe parullat: “Duam bazat ruse”, “Jo – diktaturës, censurës, njëmendësisë, manipulimit dhe beogradizimit”.
Forcat e sigurisëe kanë larguar Krstiçin nga salla, ndërsa policët e ndaluan më pas.
Ambasadori Scott në ligjëratën e vet tha se janë të pavërteta mitet mbi Amerikën të cilat i paraqesin tabloidet në Serbi.
“Nëse do të lexonit çdo ditë këto tabloide, ju do të besonit se Amerika i dëshiron vetëm të keqen Serbisë, se Amerika është armike e Serbisë, se dëshiron të krijojë kaos në Serbi dhe luftë në Ballkan. Të gjitha këto janë budallallëqe”, ka deklaruar Scott pas vizitës së Fakultetit të Elektronikës në Nish.
/tesheshi.com/
