Një “incident” ka ndodhur sot gjatë fushatës së Lëvizjes Vetëvendosje në qytetin e Malishevës. Në Sallën e Kulturës “Tahir Sinani”, ku po mbahej fjalimi, ndërsa po fliste Albin Kurti, prapa shpinës së tij u rrëzuan perdet e zeza, që ishin vendosur si prapavijë e fushatës.
Ky moment ndodhi kur Kurti recitoi disa vargje të këngës për flamurin kombëtar.
“6 tetor 68 u hap lajmi i vërtetë’; O flamur t’u gëzoftë zemra, kush s’të don i plastë zemra”.
Në këtë moment perdet rrëzohen mbi flamurin kombëtar, por nuk e rrëzojnë atë.
“Flamuri po rrin”.
Por ky moment nuk pengoi Kurtin që të vazhdojë fjalimin e tij ku kërkonte që të votohej kandidati i kësaj Lëvizje, Adem Berisha. /tesheshi.com/
