Një tjetër valë arrestimesh për inceneratorët ka vënë në pranga një tjetër zyrtar të niveleve të larta, por jo në qeveri. Është fjala për një emër të futbollit shqiptar, Arben Dervishaj, zv. presidenti i FSHF-së.
Ai është arrestuar me urdhër të SPAK së bashku me shtetasit: Arber Denizi, Juri Ymeraj, Silvester Dreza, Gentian Zifla, Arjola Kodra, Enver Sheshi, Robert Shabani, Regan Merdani dhe Luran Dusha.
Të gjithë këta emra janë nën akuzë për inceneratorin e Fierit.
Po ç’do aty numri 2 i futbollit shqiptar?
Arben Dervishaj thuhet se ka përfituar mbi 740 mijë dollarë ose 744 milionë lekë të vjetra për konsulencën e dhënë për inceneratorët
Emri i tij doli në skenë në dëshminë që dha në Komisionin Hetimor për Inceneratorët, administratorja e koncesionit të Tiranës, Arjola Kodra. /tesheshi.com/
