Ndërtimit të urës më të gjatë në botë ngadalë po i vjen fundi. Kjo kryevepër e vërtetë e ndërtuesve kinezë do të lidhë Hong Kongun, Makaon dhe Zhuhain, raporton Daily Mail.
Pas shtatë viteve punë, ura me gjatësi prej 55 km pritet të hapet në fund të këtij viti, ndërsa për ndërtimin e saj janë shpenzuar 98 miliardë euro.
Kjo urë do të shkurtojë kohën e udhëtimit nga Hong Kongu në Zhuhai prej tri orëve në vetëm tridhjetë minuta.
Për ndërtimin e kësaj ure janë nevojitur 420.000 tonë çelik, sa gati 60-fishi i kullës Eifel.
“Për shkak të mungesës së përvojës na janë dashur 96 orë për të vendosur tubin e parë në oqean, dhe shumica e inxhinierëve dhe punëtorëve kanë fjetu shumë pak gjumë për katër ditë rresht”, tha Jin Haiqing, inxhinier kryesor në këtë projekt.
Shtatë punëtorë kanë vdekur dhe 129 janë lënduar që prej fillimit të punimeve në vitin 2011, shumica e tyre për shkak të aksidenteve, gjatë rrëshqitjes ose rënies nga ndonjë pikë e lartë./tesheshi.com/
