Ish-Kryeprokurorja e Republikës, Ina Rama, pas tre vjetësh betejë ka dalë fituese me presidentin e Republikës, Bujar Nishani, i cili në rolin e kreut të KLD-së refuzoi ta emëronte në gjyqësor ashtu siç e parashikon dhe ligji.
Ina Rama e fitoi betejën në shkallën e dytë të Gjykatës Administrative, për një padi të ngritur prej saj për rikthimin në gjyqësor.
Gjykata e Apelit Administrativ urdhëroi me një vendim Këshillin e Lartë të Drejtësisë që t’i propozojë presidentit emërimin e ish-prokurorës së përgjithshme në Gjykatën e Apelit.
Vendim u komunikua nga treshja e gjyqtarëve Artur Malaj, Lindita Selmanaj dhe Alkelina Gazidede.
Ish-kryeprokurorja Ina Rama paditi në vitin 2013 Këshillin e Lartë të Drejtësisë pasi nuk kishte marrë në konsideratë kërkesën e saj për t’u kthyer në gjyqësor.
/tesheshi.com/
