Një foto që të copëton zemrën i një fëmije të vdekur në Myanmar, ka ngjallur kujtimet e vogëlushtit sirian Aylan Kurdi, i cili u gjet i shtrirë në bregdetin turk pasi ishte mbytur në detin Mesdhe në vitin 2015.
Një fotografi e re tregon një djalë 10-muajsh të shtrirë i vdekur në baltë, në bregun e lumit NAF në kufirin Bangladesh-Myanmar, sipas portalit të lajmeve New Age Bangladeshi.
“Imazhi ishte postuar për herë të parë në një portal interneti të drejtuar nga Rohingya Vision. Djali u mbyt në lumin NAF në territorin Myanmar, kur barka që mbante familjen e tij në mesin e 35 njerëzve u fundos në mes të lumit, gjatë përpjekjes së tyre për të lëshuar Mianmar nga persekutimi i forcave qeveritare në natën e 4 dhjetorit”, njofton portali. Është e paqartë emri i djalit të vdekur. /tesheshi.com/
