Kongresmenia demokrate Ilhan Omar, ka qenë prej atyre që nuk kanë pranuar të votojë një rezolutë që njeh genocidin kundër armenëve në fundin e Perandorisë Osmane në vitin 1915, duke thënë se njohja e vërtetë e krimeve të tilla duhet të përfshijë masakra të tjera historike.
Ajo tha në një deklaratë se besonte në “përgjegjësi për shkeljet e të drejtave të njeriut”, por që “përgjegjësia dhe njohja e gjenocidit nuk duhet të përdoren si” shkop “në grindjet politike”.
“Kjo duhet të bëhet në bazë të konsensusit akademik përtej gjeopolitikës”, tha ajo, duke aluduar në zhvillimet mbi operacionin turk në Siri pas tërheqjes së trupave amerikane nga rajoni.
“Njohja e vërtetë e krimeve historike kundër njerëzimit duhet të përfshijë krime të rënda të shekullit të 20-të, si dhe masakra të hershme siç është tregtia e skllevërve dhe gjenocidi kundër vendasve amerikanë, të cilat u kanë marrë jetën e qindra miliona njerëzve të pafajshëm në këtë vend”, tha ajo për CNN.
Rezoluta nuk është ligjërisht e detyrueshme, por kërkon që vdekja e të paktën 1.5 milion armenëve nën Perandorinë Osmane të shpallet gjenocid.
Turqia ka hedhur poshtë pretendime të tilla dhe ka bërë një fushatë të gjatë në Shtetet e Bashkuara dhe në mbarë botën për të parandaluar përdorimin e këtij termi.
Sipas qëndrimit zyrtar të Ankarasë, ngjarjet e vitit 1915 nuk mund të përcaktohen si gjenocid por “tragjedi për të dy palët”. /tesheshi.com/
