Ndërprerja e energjisë nuk është më ndonjë çudi për artdashësit e kryeqytetit, të cilët edhe këtë të shtunë i janë drejtuar Teatrit Kombëtar për të shijuar shfaqjen “Opera për tri grosh”.
Rreth 25 minuta pasi kishte nisur shfaqja, janë ndërprerë dritat, ndërsa për të kaluar këtë situatë të sikletshme, aktori Arben Derhemi ka bërë një batutë, të cilën ia ka përshtatur edhe tekstit që ishte duke interpretuar.
“…se na ikën dhe dritat”, – tha aktori ndërsa salla ra e gjitha në errësirë. Vetëm disa minuta më pas, është njoftuar se ndërprerja e energjisë ka ardhur si pasojë e një defekti, i cili është rregulluar shpejt, për të vijuar me shfaqjen./tesheshi.com/
