Nuk ka paqe për Shqipërinë e përfshirë nga moti i keq, i cili jo thjesht po sjell të ftohtë dhe lagështirë por dhe katastrofa të mëdha humanitare.
Instituti i Gjeoshkencave, Energjisë, Ujit dhe Mjedisit (IGJEUM) ka prezantuar buletinin për datën 3 dhjetor 2017, duke hequr paralajmërimin për përmbytje në zonën e Vlorës dhe Fierit.
Sipas IGJEUM, Vjosa do rikthehet në shtratin e vet natyror dhe zona e përmbytur do t’i kthehet normalitetit. Sa i takon reshjeve, ato do të vijojnë me një intensitet të dobët deri mesatar, ndërsa në qarqet e Veriut deri lokalisht intensive, të shoqëruara edhe me shtrëngata. Nga sot, reshjet do të jenë në formë dëbore në zonat e larta malore, kryesisht në veri dhe lindje të vendit.
E në fakt, e gjithë zona e Apleve në veri, por edhe ajo malore në Korçë është mbushur me dëborë, duke bllokuar rrugët.
Rruga e Kombit është ngrirë pas tunelit të Thirrës, ndaj të gjithë automjetet duhet të bëjnë shumë kujdes në goma, zinxhirë edhe në ecjen e kujdesshme, pasi mund të ketë rrëshqitje nga akulli.
Sot pritet të mblidhet Shtabi i Emergjencës, që pritet që ta zhvendosë prioritetin nga jugu i vendit në veri, ku problemet po bëhen edhe më të mëdha.
Ka zona siç është ajo e Thethit që është totalisht pa energji dhe lidhje rrugore, por edhe pjesë si në Tropojë, Kukës e Dibër, ku fshatra të tëra nuk kanë parë ndihma apo makina dëbore.
Edhe në rrugën e Kombit nuk është hedhur asnjë gram kripë.Ah se mos harrojnë, thirrje për drejtuesit e automjeteve: antifrizën për makinat sepse ngricat kanë filluar. /tesheshi.com/
