Tetë milionë ton mbetje plastike hidhen në oqean çdo vit. Këto mbeturina janë tmerrësisht të dëmshme për gjallesat detare dhe situata nuk po vjen duke u përmirësuar.
Por 21 vjeçari holandez, shpikës dhe student inxhinierie hapësinore, Boyan Slat duket se e ka gjetur një zgjidhje.
Ai dhe skuadra e tij kanë shpikur një teknologji që mund të pastrojë gjysmën e mbeturinave në Oqeanin Paqësor në 10 vite.
Këtë vit, organizata e Boyan “The Ocean Cleanup” shpreson të pilotojë një barrierë një milje në ujërat midis Japonisë dhe Koresë së Jugut, pranë grupit të ishujve Tsyshima, një ndër zonat më të ndotura në botë. Madhështia e këtij koncepti është se rrjeti i mureve lundruese mund të punojnë me rrymat e oqeanit, duke e bërë kështu sistemin të “vetëmjaftueshëm”.
Barrierat nuk do të dëmtojnë jetën detare por do të grumbullojnë mbetjet që lundrojnë në sipërfaqen e ujit. Një sasi e ngjashme mbeturinash do të kërkonte 70 mijë vjet për tu pastruar me varka nga njerëzit. /tesheshi.com/
