Vetëvendosje e Albin Kurtit është deklaruar e gatshme të protestojë kundër presidentit Hashim Thaçi, për shkak të deklaratave të tij për korrigjim të kufirit me Serbinë.
Deputetja e kësaj partie, Albulena Haxhiu, ka thënë se draft-statuti për Asociacion e komunave serbe është antikushtetues, ndërsa ka theksuar se presidenti Thaçi “nuk ka kredibilitet as nga Kuvendi as nga qytetarët që të shkojë në Bruksel dhe të bisedojë për këtë çështje me Vuçiçin”.
Kurse deputetja tjetër, Arbërie Nagavci, ka thënë se Kosova duhet të shkojë në zgjedhje të reja, ndërsa ka paralajmëruar protesta kundër presidentit Thaçi.
“Presidentin Hashim Thaçi do ta pengojmë në mënyra të ndryshme që mos ta dëmtojë edhe më shumë vendin. Nuk përjashtohen protestat”, deklaroi Nagavci. /tesheshi.com/
